:sm147:
8
8
ياليت الابتسامه تشتغل تشوفوونها
ذكريـ "قديمه"ــــــات
يالربع
ياجماعه
الصيف بدا يخلص والمزايين بالشام((اعقب لاتخرب العالم))
كل انسانن يمتلك موهبه ,, وكل موهبه بامكانها ان تنبثق وتتطور وبامكانها ان تتدهور وتروح فيهاا,, يعني انت اذا ماستغليت موهبتك وصخرتها ولعنت ابو خيرها ماراح تقدر تكمل معنا((شعنده قام يتفلسف))
منول يومني ورع ابوي يقولي شد حيلك ياولدي واشري لك سيكل ,, ولما انجح اخر السنه واجيب الشهاده يروح يعطيني مية ريال ويقول رجع الباقي والا اشتر لاااخوانك((وجه مكشر)),,ولما كبرت وصرت بثالث ثانوي قالي سجلني بمدرسة الضهران الأهليه (كشخه ) وقال اذا نجحت بخليك تصير ضابط بالكليه الامنيه,,((امنية كل طالب سعودي ))وصراحه انا خاقن مع نفسي لو اشوف النجمه على متني ويقولوون صاحب السمو جاء ,,, صاحب السمو غادر
والجنود افضخ قلبووهم واللي ابيه اسويه ,,وابن امه يتكلم والضابط طال عمره (اللي هو انا ) موجود..
شديت حيلي وذاكرت وجبت ملخصات من عند نور المصري اللي في المكتب اللي جمبنا ,, وكنت ازرفها منه(بس كذا عباطه انبسط لما هالمصري يعصب علي ههههههه) ويعصب علي ونتهاوش ,, ويروح يعلم ابوي اني سرقت من عنده قلم ابو خمسين ريال ودفتر مذكرات وقصم رومنصي هالدفتر ,, وتنتهي المشكله بكفين وانقلع يالسلوقي ادخل البيت,, وادخل البيت بروح رياضيه بعد ان تمغطت بالشارع شوي عند المصري نووور
وارجع اليوم الثاني لنور وماكن اي شي صااار ومثل ماقلت واقول
" ويبقى الحب بيننا"
لما جت النتايج لان اسمي مشاء الله في اول الائحه من المتميزين((بعدي والله يهالسمو ))
وجيت فرحان اعدي من المدرسه وبغت تصدمني سياره قبل ماجيب الشهاده لابوي,, وقال بعدددددي ولدي
ودق على العميد فلان ,,وقال هذا ولدي جاب تسذا وتسذا ..
قال بعدي اجل انشاء الله اسمه الاول على الدفعه,,
جاء التقديم,, وقصما قصمات ياني كرهت نفسي ,, بس تحملت علشان امي تقول فلانه بنت جارتنا تقول ان ولدكم سجل ضابط انا بتزوجه((وانا وقتها كنت خاقن معها ياويلي بس .. اسمها نورهـ .. كانت عند امها العجوز وخواتها الثلاث ,,وكنت دايم اسوي فتوه .. اجيب لهم اغراض البيت ودايم تجي تاخذ الاغراض مني ,, هي تموت وتقولي كيف حالك وانا اموت واقول والله بخير ولكن نكتفي بنظرات العجب والانبهار,,)):sm1182:
قلت والله لاجل عين وتكرم مدينه لعيون نوووره اشد حيلي , ونجحت في كل شي,, وباقي الفرز النهائي,,وقال العميد لازم تروحون لجده تقدمون على الامير(**** بن **** ال سعود) ..رحنا لجده وعلى مكتب الامير .. وندخل قالوا اللي عنده انتظر شوي ونشوف هو فيه والا سافر .. لأن الامير طول الله عمره بيروح لمصر بس شف مشى والا باقي للحين ...
بعد شوي الا جاينا النقيب **** بن ***** <<اسم طويل
قالوا الامير سافر لمصر,,
((امانه ماهيب حاجه تقهر))ضاع حلمي الاول ,,وهو اني اكون ضابط
وضاعت بنت الجيراان اللي هي نوره ,,لانها سحبت علي .. تقول لامها وامها تقول لامي يعني اتصالات لاسلكيه ..مابيه شكله بيطلع داشر ولاهوب لاقي وضيفه((تفكيرهاان اللي مايلقى وضيفه يعتبر داشر لبى والله البراءه))وضاعت احلامي
,,,,,,,,,,
اخذت لي مده وانا طريح فراش . ماخليت دوله مارحت لها.. ماخليت مدينه مارحت لها للسياحه بص ماش . اخرتها : شارع التحليه .. كوفي شوب ... صالة اثقال .. و من المجلس للملحق اللي بالحوش ,, ولا البس عقال حدادا علىنوره
حتى قلت في احد معلقاتي ..
حالتي في خطر تكفين يانوره**عبرتي عن جميع الناس اخفيهااا
((ياحظ اللي في المنتدى اسمها نوره اجل كككككك))
قعدت فترتن من الزمن..
ولقيت وضيفه يحبها قلبك انت ويااهـ
وفجأه
الوالد .. مشينا الخبر...
وش فيه .. قال مو عاجبتني حركاتك هاليومين .. رحنا لـ رئيسي مدير العلاقات الحكوميه في..... <<اسم طويل بص اختصرته لكم..
قال خذ ا لخبل هذا شوف له صرفه (اللي هو انا خشتي) وانا ابتسم له ذيك الابتسامه اللي احس في قلبه يقول يالبيه لو تتزوج بنتي وانا اقول في بالي (يالبيه صدق) ويبتسم لي وابتسم له .. قال اطلع برا بكلم ابوك ههههههههههههه
وســــــجلنا والحمد لله .. دوام حلو .. مكتب اخر اوبها .. انطرنط .. ومسنجر لين اربع العصر (خشه تغمز)
اللي حبيت ابينه من السالفه ,,ان مع كل حلم ضائع يبدا حلم جديد رائع((شعنده الفلفسه))<<شرايكم بالكلمه
...
نوره رجعت لي بعد مادرت اني بـ ***** ,, صراحه سحبت عليها السيفوون ((احلى ياثقل)), , وصارت تعاني ماعانيته منذو قبل اسجل في****
نقط نقط نقط لاخر السطر
سوالفي كثيرهـ وجايتكم بالطريقه
لكن مثل ماقلت هذا غيض من فيض
وابي كل منكم يشاركني همومي ويجبر بخاطري ويرزح له سالفه مضحكه
سالفه منتازهـ
سالفه تدبل التسبد
اهم حاجه يعود ايدينه على الكتابه بسرعه
و
و
و
" يبقى الحب بيننا"
وايضا مايستفاد,,
لاتلحق نفسك بحلم واحد تروح فيها...خل عندك مليون حلم..حتى لو تشوف طياره قل حلمي اني اسوقها,,:sm1182:
تروح تشوف سياره جديده تقول حلمي اني اشتريها
تشوف سوق كبير تقول حلمي اني امتلكه,,
يعني فل امها بالاحلام وربك ييسارهـ
وكذلك يستفاد:
لاتحط بقلبك مع بنت الا اذا انت واثق انها البنت الصحيه والخاليه من الوجع في المكان المناسب,,انتصحوا ياعيال من قصتي مع نوره,,:sm1221:
ويابنات,,
لاتحطين قلبك مع واحد لعاب يعرف ويعرف عشره غيركـ ,, اختاري الرجل المناسب لقلبك فسوف يسعد خشتك وكل يوم يضحك كر كر كر ,, ((ياويله من العيال هههههههههه))
يلله انتظرا سوالفكم,, وصدقوني انتم بس حاولو تكتبوون,,
ولابأس بان تردون على سوالفي وتسئلووني ماعندي اي مشاكل بالعكس انا فري((شعنده اللغه))
انتظر
ســــوالفكم
منقول
